NASA po fsheh provat për alienët

Një denoncim është publikuar në internet përmes një videofilmimi, duke akuzuar agjencinë hapësinore amerikane NASA se ajo po fsheh provat që ekzistojnë mbi praninë e jashtëtokësorëve dhe penetrimin e tyre në planetin Tokë.
Në kanalin e tij në YouTube, denoncuesi që mban emrin e përdoruesit rob19791, ka publikuar shoqëruar me tekst, pamje të një forme të pazakontë e cila fluturon diku afër Diellit.

Përdoruesi i kanalit YouTube ‘rob19791’ thekson se NASA po fsheh provat për ekzistencën e jashtëtokësorëve dhe këtë e përforcon duke publikuar se regjistrimin e ka bërë observatori i NASA dhe nëpërmjet internetit e ka dërguar në Tokë.

“Unë mendoj se kjo është dëshmi që agjencia hapësinore NASA hesht për këtë çështje. Kjo është hera e tretë gjatë muajve të fundit që në bazë të regjistrimeve të kësaj agjencie ka pasur dëshmi për UFO-t”, deklaron në videon e shpërndarë në internet, përdoruesi rob19791.

Denoncuesi përmend se marsin e kaluar, një objekt në hapësirë, me madhësi jo më të vogël se Toka, është regjistruar teksa furnizohet me energji pranë sipërfaqes së Diellit.

Reagimi i shkencëtarëve që mbështesin NASA, ishte ky: “Ajo që keni parë, ishte thjeshtë një tunel i materies që shtrihet nga Dielli dhe ftohet deri në formimin e një pike të errët”. Gjithsesi edhe ky shpjegim teknik i shkencëtarëve nuk e ka zbehur dyshimin për ekzistencën e jashtëtokësorëve.