7:01 PM
Julian Çela rezulton “i humbur” që prej datës 30 nëntor, ndërkohë që është zbuluar se cili ka qenë personi që i ka thirrur Julianit për të dalë nga qendra e internetit, vendndodhja e fundit që flitet për të.Sipas policisë, e cila citohet në gazetën Shqip, ai është Gëzim P., një person më i madh e se Juliani, i cili shoqërohej me të miturin për një kohë të gjatë, ndërsa ka dyshime se mund ta ketë rekrutuar grupi i tij.
Sipas policisë, ky person është arrestuar disa herë për vjedhje në kryeqytet, ndërsa ka të dhëna se kohët e fundit ka ngritur një grup për grabitje.
Nisur nga këto të dhëna, Policia e Tiranës ka dyshime të forta se 10 vjeçari, i zhdukur prej 22 ditësh, shoqërohet me një të dënuar për vjedhje, i cili po mbahet nën vëzhgim.
Telefonata më bindëse për policinë ka qenë ajo e një punonjëse fast-food-i, e cila kur ka parë fotografinë e të miturit, është shprehur se ai kishte porositur për të ngrënë dhe ishte larguar me vrap për të mos paguar. Madje, ajo ka treguar edhe veshjen e të miturit, e cila përkon me atë të Julianit.
Policia dhe familja janë të bindur te një rrëmbim ose fshehje tek shokët e tij më të mëdhenj.
