7:00 AM
Ekspertet e mjekesise kane nxjerre perfundime, qe te bejne te reflektosh | ||||||
| ||||||
 Lajme të mira e të këqija bashkë vijnë për ata që duan një jetë më të gjatë, në bazë të dy studimeve të publikuara në "New England Journal of Medicine". I miri është që nëse e lëmë duhanin, në çfarëdo moshe, mund të shijojmë një sër avantazhesh për cilësinë e jetës, shëndetin e madje pikërisht edhe për jetëgjatësinë, përderisa specialistët kanë dalë në përfundimin, se mund të përfitohen deri 10 vjet më shumë jetë. Në këtë rast studimi kishte si synim të analizonte impaktin e vesit të duhanit mbi vdekshmërinë, në lidhje me sëmundje si kanceri, mushkëritë, sëmundja e polmonëve, apo edhe për bronkopneumoninë kronike etj. Pra kuptohet sesi të lihet duhani, ose më mirë të mos niset fare, mund të sjellë shtimin së tepërmi të pritshmërive për jetën.Ndërsa lajmi i keq lidhet me femrat dhe është se konsumi i duhanit rrit rrezikun e kancerit dhe vdekjes së parakohshme veçanërisht te kjo gjini. Ky studim ka përfshirë rreth 2.2 milionë njerëz, nga 55 vjeç e lart, ndërkohë që ka evidentuar edhe sesi vesi i duhanit ka pasur një impakt dramatik sidomos në vendet që janë në zhvillim, ku duhanpirja është rrënjosur më vonë, në krahasim me vende të tjera të zhvilluara. Të dhënat e mbledhura kanë evidentuar sesi mes grave duhanpirëse, rreziku i vdekjes, apo i sëmundjes së kancerit në mushkëri, kishte kaluar nga 2.7 herë në 1960-n në 25.7 herë më i madh në ditët e sotme. Gjithmonë në krahasim me jo duhanpirësit. Me pak fjalë, si njëri lajm, ashtu edhe tjetrin përputhen në një pikë të vetme: lënia e duhanit nuk është kurrë tepër vonë, nëse doni të jetoni! (laSta) |
